sorry！！

我更新啦，我更新啦！！

 

系我衰，系我懒

几大个月冇更新个blog

辜负咗嗰D每日都顶我一个统计嘅人

睇翻个blog访问统计每日都至少有一个访问纪录，

个心真系warm到不得了！！

 

其实我都系迫不得已噶

我11月到而家为止都好多嘢做啊

D晚会一个接一个

班同舞社都有安排唔同嘅节目

真系好忙好烦。

我四级又未点复过今个星期六就考啦！

变态！

横竖都要死噶啦

唔得就唯有出年再考....

哈哈，大无畏！

建议四级压力大嘅同志们听下

“农夫-i believe you can fly”

 

我考完四级之后仲有个show要搞

不过呢个show唔同嘅地方系有出场费嘅

多少暂时都唔清楚、

反正我好开心终于可以用自己能力去赚钱

证明我冇花错时间喺跳舞上面。

anyway，我都会尽力做好

想睇视频嘅就记得Q我。

哈哈

 

恭喜表姐大婚之喜！！

同表姐夫白头到老

快D生个肥BB比我捏下佢！哈哈

讲到表姐结婚我就心寒

我第一次做伴娘

但系我发誓冇下次

真系打死都唔做!

攰到发瘟啊！！

仲有个伴娘妆又化得我唔靓

5555555.

算啦

反正主角唔系我

表姐高兴就好！

 

我过左四级嘅话我就勤力D更新噶啦。

多谢大家关心先！

11月嘅时候相册有更新过噶

大家都可以去睇下

哈哈哈。

 

最近比较忙

最近比较懒

所以日记变周记。

唔使打问号

忙同懒系冇矛盾嘅、

最近比较忙

系因为舞社迎新排只舞到而家都未学完

学嚟学去都系前一part

毫无进展

系咪我协调性比较差？

点解唔系手唔啱就系脚唔啱

唔知点搞！

视频入面个女嘅好似条蛇咁

全身每个关节都识郁嘅

真不是路....

前晚舞社正式开课

我返咗归

冇去睇

我都冇提出做助教

因为我实在唔太想去教新人

自己都未顾掂咧...

上星期四晚有班际辩论赛

我哋班对行管

我处于中立位置讲

我哋班真系辩得比对手好

任何一个环节都系

连评判最后点评，言语间都透露我哋班有优势

但系唔知D计分员点计分嘅

居然输3分半

唔忿气啊

虽然我唔系辩手

但系都关乎我哋班荣誉噶！！

所以我决定以我过期文娱委嘅身份大力干预今年迎新晚会节目

要为我哋班摞返个彩！

至于搞乜嘢

我就唔方便透露住

事成之后我会上blog晒命噶啦...

哈哈哈！

 

最近比较懒

系因为最近极其冇网瘾

唔想上网

只眼唔好，皮肤唔好

再加上上星期后半星期

我电脑根本就开唔到

事因唔想再提起

反正以后见过鬼都怕黑！

每日就靠手机度日

晚上除倾下电话之外

就系用手机接我宿舍个网睇电影睇《今日关注》

发觉每晚睇下新闻真系好有益噶啵！！

毕竟我哋而家喺学校读书

都唔可以同社会脱节噶。

 

寻晚欣欣比咗D中秋嘅想比我啦

已经上传喺QQ zone

大家可以上去睇

哈哈哈

真系好过瘾噶！

欣欣话睇过我blog觉得我变金刚啦喔

哈哈哈

其实冇乜嘢嘅

我自己懒玩成瘾

冇办法...

不过放心啦

以后做八戒啦、

戒癫，戒躁，戒酒，戒浦，戒夜，戒high，戒男，戒烂玩！

阿弥陀佛~

 

 

星期六晚同咗何yo出夜街

其实冇乜嘢

就坐低吹水

我去摞副新con

兼且顺便摞埋阿安同我买嗰10盏灯比佢

识咗佢同韵个f

仲话叫埋我哋一起落澳门

哈哈哈

其实我暑假就想去多次

而家佢讲起又挑起我条瘾。

到时同佢哋一齐好好玩、

 

我而家好抗拒星期一上午嗰两节体育课

耍太极喔~

睇D太极好慢好慢好慢

原来都好死攰噶！！！

所以我都觉得隔个星期就旷课

喺屋企哞到中午先返学。

哈哈哈哈。