讲都唔信!!!

我今日居然去咗追星!!!

追嘅係方力申阿...

 美女厨房我就一直追

冇林到今日face to face添!!

哈哈哈哈

完全冇心理准备!!

 

话说今朝起身之后我洗過床单睡衣

有位叫XX焜嘅弟兄話過今日同我去街

但系死等都冇声气!!!

激死我!!!

无意间,

津同我讲佢今日请人食寿司

叫埋我出去

另外个个係佢以前班个女生

叫阿琪

我都认得

我挣扎咗好耐

因为我从来觉得单数係去唔到食寿司嘅

因为一碟2件

3个点分?

最终都係去咗

逛咗好一阵先去到大和

个度好清净

冇乜人

初先我仲怕冇位

........

饭間

阿琪話下昼方力申嚟广州签名会

其实我一直都唔追星

听到固然唔兴奋

2点半嚟动漫星城喔...

見咁近

我同津都一齐去

阿琪几个舍友都嚟

就係佢D舍友有买正版等签名

个筹仲几前添....

我哋点半去到已经好多人

全部都係80后90后D后生

个场好hot!!

我真係感受到追星D人D热情似火阿!!!

D女仔见到佢又尖叫又盛

見到佢哋D反应我觉得好好玩阿!!!

阿琪舍友签名嘅时候正面影咗alex一张相阿

好正阿!!!

只电眼电晕万千少女阿!!!

我叫佢将相发比我

我收到之后成班妹妹fans团围住我阿!!!

叫我发比佢哋阿...

我都係第一次比女生围阿

哈哈哈哈

D人真係好中意alex阿!

我睇住张相真係觉得alex好靓仔

真人真係劲靓仔!!

机器侠之后我就对佢几有好感

冇林過我而家都做咗佢fans啦!

哈哈哈

今次追星大搞作真係好玩阿!!!

我同阿琪讲

下次再有呢D追星活动就预埋我.

真係好好玩!!

下次好似有theresa

......

热情过后真係好攰

逛咗唔係好耐就分头走啦我哋

津返华农

我同阿琪都搭2线

不过唔同方向

佢搭到赤岗

佢喺南方医科大学

我林阿广应该都喺个間

虽然阿广冇亲口同我讲过佢間咩学校

 

end,今日好开心!

 

 

 

我终于舍得更新啦...

就即系咁...

其实呢几日呢

嘢就唔係好多做

但系偏偏就唔想对住电脑

更加唔想上个blog

总嘅嚟讲

其实我而家每一日都過得颇为之充实

所以已经忽略咗个blog

更加唔想凡事都上嚟写下...

 

突然间上嚟更新

都未组织好写乜添!

乱写下...

 

早几日

我将我喺屋企载嘅两套鬼片摞出嚟比舍友睇

劲搞笑...

其实5个人都唔係咁敢睇

睇到一个超级经典恐怖镜头嘅时候

大家一起尖叫

叫完就一起喺度互笑...

笑边个叫得最大声!

真係好搞嘢

一起睇鬼片就有咁嘅乐趣

要惊一起惊...

话说当晚

我哋宿舍就连续发生灵异事件

全宿舍D充电器都充唔到电!!!

斌手机影唔到相!!!

真係讲返就搞笑...

 

之后

新生入学

斌好死唔死自动请缨去做新生心理辅导员

拉埋我一起去探望新生

我哋去个个宿舍係09法学嘅女生

个时得两个同学喺度...

讲两句就走咗

 

今日

我冇返佛山

同斌去陈家祠参观

我哋打算玩转广州8景

去到先知陈家祠要收门票

10鸡

还负担得起

一场嚟到

就慷慨了...

入面真係好靓

影咗好多相

更新喺QQzone相册

好多老外去参观

真係好多

比中国游客还要多!

佢哋又鬼咁热情

主动同我哋打招呼

主动帮我哋影相

陈家祠游咗一个钟

我哋决定去逛街

去咗北京路

我呢个暑假都未喺广州行過街

顺便就去一趟...

冇林住买嘢嘅

但系行起就买

女人就係咁....

买咗眼镜液

去咗修甲(技术不如佛山好哟!)

买咗支指甲油

经过colour zone又忍唔住买咗盒眼影

个姐姐帮我试过

真係唔错

我都係第一次喺街头试化妆...

今晚去正式做心理辅导员

师妹好热情

我哋咩都冇带过去

居然人手一个苹果同月饼返嚟

哈哈!

end...