几乎忘记有blog呢回事

返学第三个星期、

好忙

29节课/周

未调课之前

得周一下午无课

而家调咗课

稍微好D

星期五下午都无

唔使讲

都系D乜法乜法

记得斌有一次去老麦上班

经理问

读咩专业？

法律。

经理再问

强奸罪点定义？

.......

我慎重咁申明一下

我哋而家学嘅系法理

唔系法条

当然

法条系好重要嘅辅助工具

我哋未至于要背法条嚟学法律

请各位行外人士唔好再问D咁无知嘅问题。

讲起老麦

我林......

我要屈服于佢7蚊半丰厚兼职工资之下了。

目前我参考嘅兼职嚟讲

老麦系算待遇好好啦

所以我极度慎重考虑之下

决意舍身取银！

礼拜去做兼职...

虽说今个学期课程好紧

房地产法、金融法、公司法、行政法、税法、刑诉法、

法律文化、票据法、国际法、西经...

我哋宿舍嘅人还是好识忙里偷闲

打着“今天的娱乐为的是明天更好的奋斗”嘅旗号

趁星期一下午无课

去一趟唱K

我、斌、梅、梅朋友、梅朋友的朋友

其实我发觉我真系劲有表演欲

唱3个钟可以唔点停口

哎

丑字我的确唔多识！

5点唱完返宿舍冲凉

广叫我出去比份老麦嘅入职申请佢

换衫又出街

其实我好困惑点解广要去麦当劳做

又辛苦又远

不过我林佢唔会做超过1个月。

今晚我同佢边行边倾偈

讲到我今个学期开咗普通话呢门课

经常笑爆嘴

广佢居然质疑我嘅普通话水平

佢都未知咩回事咧!!!

任何人可以质疑我嘅工作能力、学习能力，

但系唔可以质疑我嘅语言模仿能力！

深入了解我就知错啦...

就咁先

唔写啦。

攰

因为寻日我终于出街去了

一零年第一次同佳人一齐行街街

同样咁sweet

我记得我唔止一次喺其他异性面前

承认我同佳人系一对

嗰D异性都唔止一个话

“睇唔出你兴搞呢味嘢....”

哈

好出奇咩~

咁我哋的确系亲密过好多异性恋啊嘛

特别系以前

真系基本上乜嘢场合我哋都一齐出现

连体婴咁。

寻日我哋出去好有目的咁行街

但系毫无收获

唯一满意嘅就系食咗好多佛山特产

肠粉，辉记猪脚醋，莲子牛奶，香芋西米

行行行仲去兴华间老麦食咗个红豆批添

阿！唔系啵

我哋各买咗条方巾

拣咗个几钟先买到噶！！

行咗好几个钟

攰到死

我哋周围逛

后尾佳人见到百花一楼有D饼干卖

买咗几包

我对零食不喽都唔感兴趣

再后尾

我哋行咗去新翼坐低

食佢买个D饼干

倾咗下密偈

怕上落班时候多人坐车

就各自返归了。

夜晚返到屋企

觉得头赤赤

早早爬上床

但系都系11点先入睡。

今朝想更新下

点知机中毒

哎

搞到而家先搞掂

眼涩得眼水直流

瞓阵先得。

但系都唔觉得有几无聊

一睁开眼就系电脑屏

讲唔上有好大乐趣

但系就可以玩足一日一夜

喺屋企帮唔上忙煮饭

但系饭后碗碟我包晒

都叫做为屋企做下贡献。

最近手头算比较松动

但系有钱都唔太敢使

点讲咧

一来，自己知自己事

铺购物瘾一发不可收拾

尽力抑制就抑制下

二来，钱使咗就冇啦

咁大个人

真系好难开口问屋企摞钱！

之前我签名写过

“穷到向老窦贷款”

真有其事

哈哈

因为今年村D分红未到户

我D钱又冇乜净

但系一放假嗰几日又日日都去街

冇办法嘅情况底下

唯有同老窦贷款

等分红到咗再还钱

虽然两父女

但系都要数还数，路还路

做人军真D好~

我有打算做兼职

因为早几日去街撞见阿玉

佢去咗班尼路做

我好有冲动去

但系每个星期上3晚夜班

我无咁夜车返归

我又唔想成日打搅附近表姐或者姑姐

最终都系被迫放弃

话说有一个晚上

我11点落床

2点先瞓

喺3个钟头入面

我计划我嘅创业大计

我想开班教跳舞

咁又唔系话我真系甘掂

但凭我而家嘅资质

足教新生啦、

我知道而家好多女生都想学街舞

而且好多都系想学jazz

性感啊嘛！！

我仲计划

20日嘅课程

hippop,jazz各教一只

最紧要系教识D妹妹一D跳舞嘅重要元素

咁就ok啦

但系我林咗3个钟

都林唔倒有镜嘅场地

出去租

又围唔倒本

哎

头赤!

睇嚟都系搞唔成噶啦

算罢啦

呢个假期都要符箓咁过噶啦.

好想唱K

有冇约!!??

好似我对写blog都失去晒兴趣

抚心自问

我blog入面全无感性可言

写嘅全部都系D无建设性嘅嘢

不过搞清楚

我事实上真系唔可以似其他人咁D咁骨秘嘅词句

而，并唔系用粗犷嚟掩饰我嘅无文采

我觉得

我要所有人睇到我嘅都系开心嘅嘢

唔开心嘅嘢无必要要大家同我一齐唔开心

就好似ee同豹哥同我同宿嘅时候

对我嘅最大感慨就系

阿简就是个没烦恼的娃！

我讲咁多

都系想明示

我嘅无厘头督风格将会持续到永久

blog入面都系写D9唔搭8嘅嘢

食食玩玩....

虽然好耐冇写blog

但系身边嘅开心事仲系一直都有嘅

一个密友搵到要拖嘅另一双手

感觉佢好幸福哦

希望佢两个可以一直行落去

甜甜蜜蜜。

盛枝嫂生咗个baby girl

恭喜晒

年又过年

咁快又过年

咁又一年

我对现状好满足

各方面都系

所以新年愿望

以后每一年都可以喺呢D咁平淡嘅幸福中度过

放假咁耐

系得今日全日喺屋企

此前日日出街

搞到我要向简生贷款度日

好多嘢想买

永远缺的都是钱

寻晚出去买咗对平底中筒鞋

好中意

更好彩嘅系第一间店无打折

点知去到分店居然有折打

寻晚我11点落床

2点先瞓

我林咗几大个钟

系度林我做兼职好唔好？

林林下我又想开班教跳舞

喺我小区

我妹读初三

D靓妹应该会好有兴趣

林林林....

就系林唔倒场地点搞

有冇高人可以比D意见我？！

事成请食饭！

自从高中开始就有同f去倒数嘅习惯

去开就年年都想去

唔志在倒数有几大场面

有几人逼人

就系想同朋友见见面

聚聚旧

丧玩一下。

记得年年都多人多到移动个网都屏蔽

因为太多人

太多人打电话

手机信号满格噶

但系就“你所拨打的号码暂时无法接通。”

希望今年倒数唔好冻啊！！

千其唔好冻啊

冻嘅话我真系唔想出门啦。

god bless me。

回暖啦。

想着短裤短裙嘅女同胞同我一起祈祷啦！

今日终于如我所愿

唱K去了、

哈哈

其实唔系满足我

而系我哋宿舍斌哥生日

我哋全体同佢过庆生

我话过我唔过洋节

咁啱斌系“耶稣N号”

（注：凡是圣诞节出世嘅我都起名叫耶稣

但地球人这么多，当然有N个）

于是乎

我哋就同D俗嘅中国人一齐庆圣诞

嗰几日，日日都打漫游

用我电话打去问房价

终于落到结论去名豪KTV

10点几出发

11点几就到站

最搞笑杰芳居然去之前问我有冇踩过点

哈哈！呢个班长可能考试考懵咗

又唔系去考试

点解要去踩点？！

笑到我肚痛、

我哋1点先有房

我哋就7兜友

斌、梅、添政、影、妍、杰芳

就去左M记打趸

坐低唔系好耐

我就叫大队去K场等房

因为斌而家喺M记做兼职做到想死咁

话D经理有躁狂症成日闹人

我实在唔想佢生日嗰刻都同M记有联系

都系喺K场等到12点好过。

唱K唱得超high

玩得好尽兴。

then啊广嚟咗搵我

实在太耐冇见

一出lift

见到佢我真系有种心跳加速嘅感觉

嗰晚系我同佢识咗6年嚟第一次合唱

仲有除毕业相之外第一次合照

好多回忆在心头.....

玩到6点，清场，走人。

温馨提示：名豪深夜场冇水饮！！！！！

25。

冇返屋企

因为一晚通顶实在顶唔顺

攰死

唔想广佛跑啦

因为星期六表姐散姊妹利是

干脆星期六先返、

26.

散姊妹利是

BBQ

哎。

唔想多讲

攰死人

个晚去咗表姐屋企过夜

眼瞓到发瘟。

27。

同表姐嘅老爷奶奶一齐去饮茶

间酒店好靓

点心都好好食

早市居然做到1点几2点

紧要！

之后表姐夫车埋我返屋企

顺便探下我嫲喔。

之后之后

我就返学啦。

写完，

无谓嘅更新

好似写汇报咁。

太极，easy job！

哈

虽然我净上得4堂体育课

但系以我平时练舞超强记动作嘅资质

绰绰有余！

话咁易就摞80分。

此后

我林我唔会再去上体育课

咁即系星期一都唔使上课咯。

昨日系冬

今年冇返归过

因为阿妈话而家咁冻天

第二朝早早起身返学

冇阴功咩。

就叫我干脆唔好翻啦

食少餐唔会瘦嘅、

但系第一年喺外地过冬

唔惯

于是我搵到任劳任怨嘅老表津

意料之内

佢可以出黎同我食饭

哈哈

我哋一齐去大快活打边炉

佢话未试过咁样打边炉

觉得好过瘾

我就觉得同老乡一齐过节好warm！

边食边吹

食完仲去揾地方食汤圆。

试咗个桂花汤圆

好香好好食！

因为津近排都有考试

我哋都唔行咁耐

食完汤圆就各自返学校啦。

我哋宿舍原先计划星期四晚

即系平安夜唱K

但系我打过电话问K场

深夜场都超贵

超出我哋负荷嘅范围

哎。

难道要泡汤？？

我好想唱K

超想超想！！

边个去

叫埋我！

唔知写个乜topic比篇日志

干脆唔写。

今朝起身同冰煮粥

本身打算煲眉豆黄豆粥

由于我两个都冇煲豆粥嘅经验

一齐将D豆同米一齐放晒去煲

几次煲泄晒

D米就煲到烂D豆都未淋

撞鬼！

仲要死咁多豆

最后都系食唔倒

搞到我哋倒鬼晒

煮翻即食面

哎、

不过啊冰有后着

有紫菜同冬菇

加埋即食面度

原来我哋都仲系局限于识煮即食面

........

下午瞓咗一阵就去咗舞室练舞

师弟同师妹都颇为紧张

毕竟都未有舞台经验

练咗无耐我哋就冲凉过去食饭

哎

原来系D细细型公司搞晚会

喺大厦嘅会议室搞

场地好细

跳得超冇mood

仲要我望住第一排D观众

居然冇面部表情

OMG！！

我都系第一次演出D观众冇反应！！

好彩我冇化妆

要我咁样表演几分钟

仲要我翻宿舍卸10几分钟妆

鬼制佢啊！

又话包晚餐

居然叫我哋去食沙县小食D饺子

真系孤寒种！！！

难怪佢间公司搞唔大！！

（以上言论纯粹个人情绪宣泄）

照旧演出完一齐去宵夜

都冇心机食

但系唔可以待薄肚皮噶

都系食左个牛腩粉

吹咗一个钟头水

感觉好攰

其实又冇点出力演出

唔知点解就系觉得攰。

碌葛！！

听日考体育

一个学期上得4次体育课

要考试喔...

D太极就识得招“野马分钟”

哎

瞓...

今日心情已经唔好噶啦

今晚林住趁仲有半个钟好入嚟写埋属于今日嘅日志

居然load入写新日志呢度居然用咗15分钟

真系想丢电脑啊！！！

关于四级嘅一切，

免问。

批中晒

出年又系一条好汉！

我唔算太伤心嗰个

我身边更多比我hurt嘅

斌唔记得涂听力卡

班长唔记得涂试卷类型

我睇个个都考到懵盛盛

咁低级嘅错误都犯....

down都冇用啦，

出年6月再嚟！

今日考完之后一直喱喺宿舍

原先讲好同傻妍考完去行街买嘢泄愤嘅

但系后尾都系冇心机去

况且而家流感咁劲

命仔紧要啊！！

我承认我好怕死

因为有好多人爱我，好多人我爱

最近我经常喺一间网店买嘢

D嘢质量真系超赞！！

我劲推荐

（由于我唔惯公示，要嘅问我摞网址）

不过间网店D衫都系小人着噶

哈哈

即系我呢D身形

因为间店D model都系我咁高噶咋

身形同我超似

所以我都唔使点考虑size

反正睇中款就可以买

佢D货真系非常好

but价钱唔便、

讲起着衫

入冬后极度中意着铅笔裤

记得以前去levi’s

个sales死sale我都唔中意

但系而家就发疯咁买嚟着

多得何yo介绍

有只出口定唔知进口嘅日本牌子

cheap monday

全部女装都系铅笔裤

超中意!

都介绍俾你哋。

今晚我留咗喺广州

因为我星期日晚有个show

就前篇日志讲过嘅

其实我好期待

其一当然系只舞排得好满意

虽然唔系我嘅功劳

再者，毕竟观众唔再系学生

而系外面D社会人士

都算系我增加社会阅历嘅一次

嗯。加油！

今晚宿舍得我，冰，壁君

冇嘢做

今晚同冰去超市逛

居然逛咗2个几钟

傻、

不过几好玩

买左好多食嘅

当然唔系零食

全世界都知道我冇零食瘾

买左好多煮嘢食嘅料

我哋听朝煲粥

哈哈

我而家跟得斌同冰多

都中意喺宿舍煮嘢食

材料简单

但系食得好满足。

好夜啦

难得啊简上网上到咁夜

我都出奇。

自从嚟左广州之后身体变差

变得好注意饮食同作息

好，

写完

瞓。

都狂更新个blog

写下四级死前嘅感想

真系唔夸张

我份模拟卷点计都唔合格

听日一定死到直

我唔似其他人

喺度讲自己平时点冇睇书啊

一D都冇睇单词啊

冇复过啊

鬼信啊！！

睇实有睇啦

入唔入脑姐

我出名读书心散

四级复就唔多

复咗都唔入脑

算啦

以前高中嗰D还晒比flora睇下还剩几多

“i believe i can fly,i believe i can catch the sky."

今晚就扮晒蟹咁喺度唱呢首歌

掩饰自己对四级有几无奈....

let it be！

相信出年有系一条好汉！

我blog首页首歌我好中意

不过online稳唔倒我听紧嘅version

应该系蓝又时个版本先系我最爱嘅。

介绍比你哋。

好啦。

我去啦

日志待续...

HAVE A GOOD DREAM!